आजबाट यमपञ्चक सुरु

कार्तिक २३ । आजबाट यमपञ्चक शुरु भएको छ । यम पञ्चकको पहिलो दिन आज कागलाई बिभिन्न परिकार खान दिएर कागतिहार मनाईंदै छ । शुभ र अशुभ दुबै प्रकारको सन्देश दिने कागका लागि कात्तिक कृष्ण त्रयोदशीका दिन पूजा गर्ने परम्परा छ ।

यसैदिन भैषशास्त्रका धन्वन्तरीले अवतार लिएको कथनअनुसार वैधराजहरुले धन्वन्तरीको पूजा आराधनागर्ने परम्परा छ ​

काग तिहार

कार्तिक कृष्ण त्रयोदशीका दिन कागपूजा गरिन्छ । काग अत्यन्त चलाख पक्षी हो । काग सर्वभक्षी प्राणी हो । यसको पूजा गर्नुका विभिन्न कारण छन् । कागले सबैलाई समान दृष्टिले हेर्छ भने यसले अन्नबालीमा लाग्ने कीरा-फट्याङग्राहरू खाइदिन्छ । कागलाई यमराजको सन्देश सुनाउने यमदूतका रूपमा पनि लिइन्छ । काग यमराजको अत्यन्त प्रिय भक्त पनि हो । त्यसैगरी हाम्रो समाजमा प्रचलित काकगवेषणा, काकन्याय, काकबलि आदि विविध शब्द कागसँगै सम्बन्धित छन् ।